Khliehriat, Jylliew 02 : Ka kynhun State Disaster Response Force (SDRF) ha ka sngi Nyngkong, kala ioh ban sei ia ka metiap jong uwei u briew bala 41 snem, na kawei ka krem dewiong bala iehshrah hajan ka Ophis u Deputy Commissioner, Khliehsiat, East Jaintia Hills District.
Ia kane ka metiap la ioh ban sei hadien hynriew sngi ka jinghiar bad jingpyrshang ban wad ia ka met ha kane ka krem.
U Senior Staff Officer & PRO ka Tnad Civil Defence & Home Guard bah Paul Shylla ula pyntip ba ka 1st SDRF Battalion kala hiar sha Khiehriat ha ka 27 tarik Jymmang halor ka jingioh khubor ba uwei u briew ba 41 snem ula hap shapoh kane ka krem bala iehshrah ha ka 26 tarik Jymmang, katba u dang pyrshang ban tong umdih. Kane ka par ka dei kaba jylliew kumba 120 phut.
U pyntip ba ka kynhun kala hiar mar mar hynrei namar ka jingdum ka suinbneng bad ka jingbym long shngain ka jaka, ka jingpyrshang ban sei ia une u briew kam shym la jia ha kane ka sngi.
U iathuh ba ka kynhun kala mad ia ka jingeh kaba khraw naba kane ka par ka dei kaba la dap um kumba 40 phut eiei, kaba buh ha ka jingeh ia ka kynhun ba kan poi sha une u briew.
U iathuh ba ka 1 tarik Jylliew ha ka por 6:30 baje mynstep, saw ngut ki shipai SDRF bala synran da arngut ki trai shnong, kila hiar sha kane ka par ban wad ia ka met bad dei ha ka por 9 baje, ka kynhun kala lap ia ka met bad kala sei ia ka sha ryngkew.
Ia ka met la aiti noh sha ki bor Pulit ba kin pyndep ia kaba donkam.
 ha ka sngi Nyngkong, kala ioh ban sei ia ka metiap jong uwei u briew bala 41 snem, na kawei ka krem dewiong bala iehshrah hajan ka Ophis u Deputy Commissioner, Khliehsiat, East Jaintia Hills District.){kind=link}