Shillong, Jylliew 02: Ka Hynniewtrep Border Dispute Redressal Forum (HBDRF) ka la kyrpad ia u Myntri Rangbah ka Jylla Conrad K Sangma ban pynrung noh ia ki shnong Khasi Pnar kiba don ha Block-I hapoh ka jingkhmih ba pura jong ka Meghalaya, da kaba ong ba ka jingkynthup ka dei ban pynioh ia ki hok bad ki jingshakri ba kongsan na ka bynta ki nongshong shnong.
Ha ka dorkhas ba la aiti sha u Myntri Rangbah ka Jylla, ka Forum ka la ong, “Ngi kyrpad ïa phi ban ithuh bad kynthup noh ia baroh ki Shnong Khasi Pnar kiba don ha Block 1 hapoh ka Jylla Meghalaya”.
Ka dorkhas ka kdew sha ki sienjam ba la shim daka Jaintia Hills Autonomous District Council (JHADC) kaba la ai jingithuh iaka Elaka Labang Nangphyllut lyngba ka Notification NO. JHADC/POL/23/2021/19, ha kaba la thung ia u Bah Prolin Samayang kum u Acting Dolloi daka ba ai Sanad (Certificate).
Katkum ka jingong jong ka HBDRF, ka jingtreikam ka la iaid shakhmat ha ka jaka, ha kaba la ai ruh ïa ki Sanad na ka bynta u Waheh Chnong (Headman) bad ka jingpynbna (Notification) ïa ki shnong kumba la don ha ki kot ki sla.
Haba ban jur ïa ka jingdonkam shimkhia mardor ia kane ka kam, ka Forum ka la ong, “Ka long kaba kongsan tam ba ka Sorkar Jylla kan ithuh bad pynrung ïa kine ki shnong hapoh ka Jylla Meghalaya, ban pynthikna ba ki nongshong shnong jong kine ki jaka kin ïoh ïa ki lad ki lynti ha baroh ki liang bad ki jingdonkam.”
 ka la kyrpad ia u Myntri Rangbah ka Jylla Conrad K Sangma ban pynrung noh ia ki shnong Khasi Pnar kiba don ha Block-I hapoh ka jingkhmih ba pura jong ka Meghalaya, da kaba ong ba ka jingkynthup ka dei ban pynioh ia ki hok bad ki jingshakri ba kongsan na ka bynta ki nongshong shnong.){kind=link}