Shillong, Nailar 09: Ka Sorkar Jylla kala rai ban pynlut haduh T.50 lak na ka Police Infrastructure Renovation Fund (PIRF) ban maramot ia ki Police Station, Police Outpost bad ki Anti Docoity Camp ha baroh ki 12 tylli ki District ka Jylla.
Ia kane ka rai la shim ha ka jingialang jong ka Kynhun Myntri ba long hynne ka sngi ba-ar.
Haba iakren bad ki lad pathai khubor, u Myntri Sorkar James PK Sangma ula ong ba ka Kynhun Myntri kala mynjur ban ban pynkha ia ka PIRF namar ka jingsngew donkam kyrkieh namar ka jingdonkam ban bei pisa ha kaban maramot ia ki jingtei jong ka Tnad Pulit.
This severely affected the service delivery of the Police force. Therefore, it was urgently felt necessary the need for an immediate funding for taking up the same
An amount of ₹50 Lakhs will be placed at the disposal of the respective DCs at the beginning of each FY under PIRF
— Conrad Sangma (@SangmaConrad) August 9, 2022
“Ngi la shem ba ha kine ki bun bun snem, ki jingtei jong ki Pulit kiba donkam ban maramot, kim shym la ioh pisa ha ka por ba donkam bad kumta, kane kala ktah jur ia ka jingai jingshakri jong ki Pulit” ula ong.
U James u pyntip ba ki kam ki ban pyntrei lyngba ka PIRD kin kynthup ia ki jingmaramot ba kyrkieh ia ki Police Station, Outpost, Fire Service Station, Anti-Dacoity Camp, Battalion kiba la buh hakhmat eh kumba la rai da ka District Level Committee kaba khlieh da ki Deputy Commissioner bad ki dkhot ba kynthup ia ki Superintendent of Police, Commandant ki Battalion bad Project Director ka DRDA bad ki Executive Engineer ka DRDA.
U pyntip ba kiwei pat ki kam ka kynthup ia ka jingpynbha ia ki painkhana, ka jingpynbiang ia ka umbam umdih, ka jaka ap ki briew, ka jingairong airup, ka jingring bording bad kiwei kiwei, kiba donkam eh hakhmat ban pyniaid ia ki Police Station, Outpost bad AD Camps.
Ha kajuh ka por, ka Kynhun Myntri kala mynjur ia ka jingkren ka ban pule ha ka jingrakhe ia ka Independence Day hapoh ka Jylla.
