Shillong, Nailar 04: U Myntri Rangbah ka Jylla Conrad Kongkal Sangma hynne ka sngi palei, ula ong ba ka rai kala shong satang ha ka sorkar pdeng ban pyntreikam ia ka Inner Line Permit (ILP) ha Meghalaya bad ka jingpynrung ia ka ktien Khasi bad Garo ha ka khyrnit ba phra jong ka Riti Synshar ka Ri India.
Haba iakren bad ki nongthoh khubor, u Conrad ula ong ba ka Sorkar Jylla kala pyndep ia la ka jong ka kamram da kaba mynjur ia ka Resolution hapoh ka Iingdorbar Thaw Ain.
U Conrad ula kynthoh ia kane halor ka jingleit iakhih jong ka All India Congress Trinamool Congress (AITC) ha Delhi bad ka jingkynnoh ba ka Sorkar kam shym la tynruh ban pynurlong ia ka jingangnud u paidbah.
“Palat ia kaei kaba ngi la leh, mynta ka rai ka shong satang ha ka sorkar Pdeng” ula ong haba ban jur “Ngi dang iai buddien ia kine ki Resolution bad ngi dang iai bteng ban iakren bad iatreilang bad ka Sorkar India halor kine ki artylli ki kam”.
