Shillong, Nailar 04 : Ka sorkar jylla ka la peitngor haba iadei bad ka jingpur stet jong u khniang jingpang Monkeypox ha ki jylla jong ka Ri India khnang ba un ym poi sha kane ka jylla.
Na ka liang u Myntri Rangbah u la iathuh ruh ka sorkar jylla ka la dep ban peitngor bha ban pyntikna ba ka jingiada kadei ban long kaba pura na ka jingpur jong utei u Monkeypox.
“Ngi la long kiba peitngor halor kane ka bynta bad ngi long ruh kiba la pynkhreh wat ban shim da kiwei ruh ki lad ban khanglad ia kane,” u la ong.
Nalorkata, u ong ruh ba ka sorkar jylla kam pat kheinsting ruh wat ia ka jingiakhun pyrshah ia ka khlam COVID hynrei ka dang iai bteng mynta ban peitngor.
“Haduh mynta ngi dang phah test bad ngi dang buddien ruh ia ka jingai tika bad kumta ha baroh ki liang ngi long kiba peitngor,” u la bynrap biang.
