Shillong, Iaiong 29: Ki dkhot kynthei jong ka Meghalaya Bharatiya Janata Party (BJP) ha ka sngi Balang, kila pynlong ia ka rally daka ba rah dongmusa ha nongbah Shillong ban pyrshah ia ka jingshah rem ka Women’s Reservation Bill ha Parliament namar ka jingpyrshah ki Liang Pyrshah.
Ia kane ka jingiaid kjat la pynlong lang da ka Mahila Morcha bad ki kynthei SC Morcha, BJP Meghalaya.
“Da kane ka jingïakhih, ki kynthei jong ka BJP Meghalaya ki la ïasnohkti lang bad ki para kynthei jong ki ha kylleng ka ri ban ai kawei ka khubor sha ki seng sain pyrthei ka Liang Pyrshah–‘ka women reservation bill kan sa ïohi iaka jingshai, ki seng sain pyrthei Liang Pyrshah kim lah ban khanglad sah ïa ka jingmynjur” ong ka BJP ha ka kyrwoh.
Ia kane ka jingiaiad kjat la ialam da u President ka Meghalaya BJP u Rikman G Momin, u Chief Spokesperson u Guru Prakash Paswan bad u Bah Mariahom Kharkrang, u president ka SC Morcha u Gagan Jain bad ka President ka Mahila Morcha ka Kong Arena Hynniewta.
Ka BJP ka pynpaw ba ka jingiaid kjat daka ba rah dongmusa ka pyni iaka jingpyrshah kaba ïa baroh ki seng sain pyrthei Liang Pyrshah kiba la khanglad ïa ka jingmynjur ïa ka Women’s Reservation Bill ha Parliament.
Ka Women’s Reservation Bill ka thmu ban bhah lypa 33 percent ia ki kynthei ha ka Lok Sabha bad ha ki iing dorbar thaw ain jong ki jylla.
 ha ka sngi Balang, kila pynlong ia ka rally daka ba rah dongmusa ha nongbah Shillong ban pyrshah ia ka jingshah rem ka Women’s Reservation Bill ha Parliament namar ka jingpyrshah ki Liang Pyrshah.){kind=link}