Shillong, Iaiong 29 : Ki Pulit ka Ri-Bhoi District, kila ioh ban kem haduh 6 ngut ki runar kiba suba donkti ha ka jingkyndang ban tuh pisa na ka kor ATM ka Meghalaya Cooperative Apex Bank, kaba la jia ha ka 5 tarik Iaiong 2024 ha Bhoirymbong.
Lai ngut na kine ki runar na kem na ka thain Barpeta Assam kiba la tip kyrteng u Jiarul Hoque, Amzad Ali bad u Julhash Uddin. Katba lai ngut pat la ioh kem na Haryana.
U Superintendent of Police ka Ri-Bhoi Giri Prasad M, u pyntip ba ula thung ia ka Specital Team ba ialam da u Addl SP (Crime) ka Ri-Bhoi bad kiwei ki Heh Pulit ka District, hapoh ka jingbatai kam u DIG (Eastern Range), ban pynlong ia ka jingtohkit.
Ia kane ka jingkyndang ATM ha Bhoirymbong la register case ha Umiam PS C/No. 20(04)2026 hapoh ka kyndon 305(a)/331(4)/324(5)/61 (2)(b)/3(5) BNS.
U iathuh ba ki Pulit ka Jylla da ka jingiarap ki Pulit ka Assam bad ki Pulit ka Haryana, kila ioh ban kem ia ka kynhun ki runar kiba donkti ha ka jingkyndang ia ki kor ATM ha kylleng ki Jylla ka Ri kynthup ha Meghalaya.
U iathuh ba kane ka kynhun kala pyndonkam da ki gas cutters ban pynpra ia ka synduk ATM bad kila phet krad bad ka pisa tang da ki minit.
Ka jingtohkit mynta ka dang iaid shakhmat ban kyndang naduh tynrai ia ka jingtreikam jong kane ka kynhun.
