-->

Manipur | Kyllon iap 4 ngut ha ka jingiather kuli hapdeng ki ZUF bad NSCN-IM ha Noney

Date:

Share post:

Imphal, Naiwieng 4: Kumba saw ngut ki dkhot, ki la iap ha ka jingiasiat suloi, kaba la neh slem bha, ha kaba ki kynhun jong ka Zeliangrong United Front (ZUF) bad ka NSCN-IM, ha ka Manipur, Noney district, ha ka step jong ka sngi Balang.

Kane ka jingiasiat ka la jia ha ka por kumba 3.30 baje mynstep ha ka shnong Taodaijang kaba la tip ruh kum ka Buanruang kaba hap hapoh ka jingpeit jong ka Nungba Police Station.

Advertisement

Katkum ki tyllong khubor ba la ïoh lum na ka thaiñ, la ïathuh ba katei ka jingïakhun ka dei kaba la ïakhun da ki dkhot jong ka Zeliangrong United Front’s Jenchui faction (ZUF-J), Kamson faction (ZUF-K) bad ka NSCN-IM.

Ki kaiphod na ki jaka ki pyni ba saw ngut ki dkhot ki la shah pyniap, kynthup ia lai ngut na ka ZUF-J bad uwei na ka ZUF-K.La iathuh ruh ba ki dkhot jong ki kynhun ki la don kiba mynsaw, wat la ym pat lah ban tip ia ka jingkhein kaba thikna.

Advertisement

La iathuh ba ka jingiasiat suloi kaba jur ka la bteng palat ia ka jingialeh kaba nyngkong, kaba la pynmih ia ka jingsngewkhia jong ki nongshong shnong halor ka jinglah ban nang jur jong ka jingiakynad ha katei ka thain.

La iathuh ba ka Rongmei Naga Luphuam (ka thain Nungba) ka la kyrpad ia ki kynhun kieng atiar ba kin sangeh noh mardor ia ka jingialeh pyrshah, ban teh lakam bad ban ai lad ia ka jingsuk.

La iathuh ba ki pulit bad ki bor pahara ki la iakynduh jingeh ban poi sha katei ka jaka namar ka jaka kaba jngai bad kaba riat bha.Ka jinglong jingman kam pat da shai tikna haduh ba thoh ia kane ka kaiphod.

Advertisement

Ki jingjia kiba thikna kiba la pynlong ia katei ka jingiasiat, ryngkat bad ka jingithuh ia kiba la iap bad ka jingdon jong kiba mynsaw, ym pat lah ban pynthikna bha.Dang ap shuh shuh ia ki jingtip ba bniah.

Share post:

-->
spot_img

Popular

More like this
Related

Plie u CM ia ka Ìew Nongrep ba T.9.26 Klur ha Chokpot ban ai jingmyntoi ia 3000 ngut ki nongrep

Chokpot, Naiwieng 09: U Myntri Rangbah ka Jylla u...

₹9.26-crore farmers’ market inaugurated in Chokpot, to benefit over 3,000 farmers

Chokpot, November 9: Meghalaya Chief Minister Conrad K. Sangma...

Leit pynsangeh ka KSU Mawprem Circle ïa ka jingthang bom hadien ba la kut ka por ba la buh da ki bor District

Shillong Naiwieng 09: Ka Khasi Students’ Union (KSU) Mawprem...

Meghalaya Deficit Teachers resolves fresh agitation over pending demands

SHILLONG, NOV 9: Accusing the government of dragging its...