Shillong Lber 09: Ka Treilang Welfare Society ryngkat bad ka Nehru Yuva Kendra Sangathan, Shillong hynne ka sngi Saitjaiñ, kala pynlong ia ka jingiakop mareh thong kaba 500 meter halor ka mat “Run Women Run – Run for a Cause”, MY Bharat Viksit Bharat – Nari Shakti Fitness Run.
Kane ka jingiakob mareh kala sdang ha ka por 7:00 baje mynstep na Malki Point sha Barik bad nangne la khun sha Swimming Pool bad la pynkut biang ha Malki Point bad ha kane ka jingiakop la wan ban iashimbynta da bun ngut ki longkmie na kylleng ka Sor Shillong.
Ka Beltina Pyngrope na Mawpat kala wan Nyngkong, baar ka Leena Ryntathiang na Mawpat bad balai ka Bitarisk Marbaniang na Nongmynsong.
Ha ka Senior Atheletes, ka Kong Gloria Thangkhiew na Lummawbah kala long ka lahduh.
Ha kane ka sngi, u Bah Fantin Joseph Lakadong, MDC ka Malki Laitumkhrah kum u kongsan bad Deputy Director, Nehru Yuva Kendra Sangathan, Shillong i D. Rapsang, kum i Kongsna Symbud kila sam ia ki khusnam sha ki nongjop.
U Bah Arwanki Bareh jong ka Treilang Welfare Society ula pyntip ba ka jingthmu ban pynlong ia kane ka jingmareh thong ka long ban rakhe ia ka sngi kyrpang ki Khynthei kaba ngi tip kum ka “International Women’s Day” kaba thew beit ba ka jingiamareh thong ka dei thik tang ia ki khynthei/longkmei kumjuh ruh ka jingmut jong kane ka jingiashim bynta ha kane ka rynsan mareh ka long ruh ban pynsngewthuh lane pynshai paidbah ia ka jingkordor jong ka jingdonkam kum ki kynthei lane Longkmie ban phikir ialade ha kaba ia dei bad ka jingkoit jingkhiah.
