Shillong Lber 09: Ka Meghalaya State Legal Services Authority hynne ka sngi Saitjaiñ kala pynlong ia ka National Lok Adalat ha baroh ki district jong ka jylla Meghalaya, hapoh ka lama jongka National Legal Services Authority (NALSA).
U Member Secretary, Meghalaya State Legal Services Authority Bah E. Kharumnuid, ula pyntip ba ha katei ka National Lok Adalat, la shong bishar ia ki 1347 tylli ki mukotduma bad ia ki 371 tylli ki mukotduma kiba la sahteng na ka bynta ban pyniasuk bad ban ia beit noh.
Kila don baroh 1718 tylli ki mukotduma kiba la shah tian bishar, ha kaba la pyniasuk noh ia ki 340 tylli ki mukotduma ha ka jinglut jingsep kaba kot T.1,64,70,567.
.){kind=link}