Nongpoh, Lber 25: Ka Khasi Students Union (KSU) RIST-USTM, hynne ka sngi Nyngkong, kala pynlong ia ka 1st University Sports Meet ba shisngi, kaba wan iashimbynta da ki dkhot ka KSU na ki lai tylli ki skulbah ka Jylla ba kynthup ia ka North Eastern Hill University (NEHU) Unit, ka Mahatma Gandhi University bad ka RIST-USTM.
Kane ka Sports Meet kala sdang naduh ka por 8 baje mynstep bad la plie pyrda ia ka da u Sports Secretary ka KSU-NKHD samla Johny Nongrum bad la pynhap pyrda pat ia ka da u General Secretary ka KSU Seng kmie samla Donald V Thabah ha ka por janmiet.
Ha kane ka Sports Meet la pynlong ia ki jingialehkai bapher bapher ba kynthup naduh ka jingialehkai phutbol, ka Volleyball, Basketball bad kiwei kiwei.
Haba ai jingkren ha ka jingialang pynhap pyrda, u samla Donald V Thabah ula pynkynmaw ba ia ka KSU RIST-USTM la pynskhem hapoh ka dukan sha bad ula ai ka jingiaroh ia ki Nongkitkam ba hapoh 4 snem, namar ka jingiai shah bad jingtrei shitom ki nongkitkam, kala lah ban pynlong pat ia kane ka Sport Meet jong ki lai tylli ki skul bah.
Ula ong ba dei kane ka jingiai shah bad jingtrei shitom kaba la pynlong ia ka KSU RIST-USTM ban long trai mynta ha kane ka skul bah ha Ri-Bhoi.
