Shillong, Iaiong 15: Ki shipai ïada khappud Border Security Force kila ioh ban pyllait im ia kawei ka khynnah kynthei kaba dang 10 snem ka rta naka jingshah bat bording elektrik ha kawei ka jaka shna ïing ha South Garo Hills district myn ha ka 7 tarik Iaiong 2026.
Katei ka jingjia ka la jia ha ka por kumba 11:30 baje mynstep hajan ka wah Rongra, ha kaba ka Nikhami N Marak ka khun jong u Lithon D Sangma na ka shnong Rongra Bolgiske, ka la ia tyngkhuh bad u post ilektrik ha kawei ka jaka ba dang pyntrei.
Hadien ba ïohi ia kane, ki shipai BSF na BOP Rongra ki la hiar mar mar sha katei ka jaka ban ai jingiarap.
“Ki BSF ki la pyntip mardor sha ka tnad bording ban ot iaka bording ban iada iaka khynnah na ka jingma kaba kham jur” ong ka kyrwoh na ki BSF.
Ia katei ka khynnah ba mynsaw la pynkit noh sha Rongra Primary Health Centre na ka bynta ban ioh ia ka jingsumar ba kyrkieh.
Ki heh Sorkar ki la ong ba ka jingwan iarap ki shipai BSF ha ka por kaba biang ka la pynthikna ïa ka jingïarap kaba biang tam iaka lanot kaba la lait na ka jingjia kaba lah ban buh jingma ïa ka jingim.
“Ka jingiarap kloi ha ka por kaba biang da ki shipai BSF Meghalaya ka la lah ban pyllait im ia kawei ka khynnah kynthei kaba dang rit ka rta, kaba la mynsaw hadien ka jingshah bat bording ” la ong ki BSF.
