Shillong, Jylliew 30 : Kawei ka samla lud kala shah pyniap tohmet bha hala u jong u samla barim katba ka dang iaid lynti bad la u jong u Kpa, ha Pyndengumiong, Mairang, Eastern West Khasi Hills.
Kane ka jingjia kala jia ha ka janmiet sngi Nyngkong por 5:30 baje eiei hapoh ka jaka pynieng kali (parking lot) ha Pyndengumiong.
Kane ka samla ba dang 24 snem ka rta, ka dei kaba la tip kyrteng ka samla Phyrnailin Kharsyntiew, kaba dei na ka shnong Mawkhap Mawkynrang.
Kat kum ka khubor Pulit, une u runar uba leh ia kane ka kam pyntriem u kyrteng u Roberto Marngar uba dei na ka shnong Shyiap Mawnai. Une u runar ula siah da ka tari na ka ryndang jong kane ka samla katba ka dang iaid lynti bad la u jong u Kpa.
Kane ka jingjia ba sngew shyrkhei kala jia ha ka jaka paidbah. Ki briew ba sakhi ki iathuh ba u Roberto ula wan nadien bad thombor kysan kynsan ia kane ka samla. Ki riew paidbah kila ioh bat ia u bad hadien kila aiti noh sha ki Pulit.
Ia kane ka samla la pynkit mar mar sha Mairang Civil Hospital hynrei hadien kala khlad noh namar ka jingmynsaw.
Ka khubor ba ioh lum ka iathuh ba une u runar ula bitar ia kane ka samla namar ba ka don jingmut ban iakhlad samla noh hynrei ki Pulit ki pyntip ba ka jingtohkit ka dang iaid mynta ban lap ia ka daw tynrai.
Ki Pulit kila register case pyniap briew pyrshah ia une u runar bad ka jingtohkit mynta kala iaid shakhmat.
