Shillong, Iaiong 6: U Chairman ka Meghalaya State Health Advisory Board (MSHAB) bad MLA ka UDP na Nongpoh Bah Mayral Born Syiem ha ka sngi Nyngkong, ula pynpaw ia ka jingskhem jingmut ba ka jingiakren pynbeit pud hapdeng ka jylla Meghalaya bad Assam kan sa bteng biang hadien ba la kut ka elekshon ha Assam, kaba ka jingthep vote kan long ha ka 9 tarik u Iaiong.
“Hadien ba la dep pynbna ia ka result bad la thaw ia ka sorkar kaba thymmai, nga kyrmen skhem ba ka jingiakren kan sa sdang biang ban iakren sani halor ka jingsahteng ka jingangnud bad ka jingthrang ki paitbah jong ka jylla” ong u Bah Syiem haba iakren bad ki nongthoh khubor.
Haba kylli halor ka jingmih ka jingiakynad ha khappud, ula batai da kaba ong, “Kane kadei ka kam kaban iai bteng bad baroh ar ki sorkar jylla ha ka liang ka kyrdan jong ki Myntri Rangbah, Regional Committee, bor pyniaid district, pulit bad ki bor khmih ia ka ain ki dang peitngor bad ban pynthikna ia ka shongsuk, shongshngain bad jingiada ia ki nongshong shnong baroh. Ki jingjia kin jia, ngim lah ban len ia kata, hynrei ngi hap ban shimkhia mardor ia ki”.
Haba kylli la ka Meghalaya kan pynbor ia ka sorkar Assam ban sdang biang ia ka jingiakren, u Bah Syiem ula pynpaw ia ka jingskhem jingmut bad ong, “Ngi don ia ka jingkhmih lynti ba ka sorkar bathymmai ha Assam kan sngap bad ban don ia ka jingiakren jongki baroh arliang ban pynbeit ia kane ka mat kham kloi”.
 bad MLA ka UDP na Nongpoh Bah Mayral Born Syiem ha ka sngi Nyngkong, ula pynpaw ia ka jingskhem jingmut ba ka jingiakren pynbeit pud hapdeng ka jylla Meghalaya bad Assam kan sa bteng biang hadien ba la kut ka elekshon ha Assam, kaba ka jingthep vote kan long ha ka 9 tarik u Iaiong.){kind=link}