Shillong Iaiong 06: Ka iingkashari kala rai pynrem ia u Deepak Thapa ba leh beijot ia la ka khun rit ha u snem 2022 bad la rai set phatok ia u haduh 25 snem kum ka jingpynsaja.
Ha ka kyrwoh kaba la phah da u Superintendent of Police, East Khasi Hills u Bah Vivek Syiem ha ka sngi Nyngkong ula pyntip ba ia ka ejahar la ujor ha Rynjah Police Station ha ka 5 tarik u Risaw 2022, kaba la kynnoh ba u Thapa ula leh be-ijot bad pynngat ia u hapoh ki kyndon ka POCSO Act.
Ia kane ka jingjia la tohkit, la aiti ia ka charge sheet bad la set ha phatok hapoh ka Judicial Custody haduh 3 snem, 5 bnai bad 26 sngi katba u dnag don hapdeng ka jingshah tian bishar.
Ha ka 1 tarik u Iaiong 2026, ka Special POCSO Judge R Rymbai kala tian bishar bad shim ia ka rai ban pynrem ia u Thapa ha kaba iadei bad ka Special POCSO Case No. 68 jong u snem 2022. La pynrem ia u ban shong phatok sa 21 snem, 6 bnai bad 4 sngi kaba long baroh 25 snem ha phatok bad ban shah set phatok biang sa 3 bnai lada jia ba um siew ia ka kuna.
