Shillong, Nailar 05 : Ka Meghalaya High Court kala kdat noh sharud ia ka hukum set along shirta jingim ia ka Jenorin D Sangma ha ka mukotduma pyniap iala u kurim ha u snem 2015 ha Ri-Bhoi, ha ba kdew ia ka jingduna ki sakhi sabut kiba thikna.
Ka division bench ka Chief Justice Revati Mohite Dere bad Justice W Diengdoh ha ka 4 tarik Nailar kala ailad ia ka jingkyrpad jong ka (Jenorin) pyrshah ia ka hukum ka Iingkashari Distrist Session, Nongpoh, ba pynmih ha u bnai Rymphang 2020, kaba la pynngat sajia ia ka hapoh ka kyndon 302 bad 201/34 IPC.
Ki prosecution kila kynnoh ba ka Jenorin kala pyniap iala u kurim Dhantharu Mushahari ha u 2015 bad tep ia ka metiap hapoh ka shnong Chibra.
Kane ka jingjia kala mih pyrthei ha u Kyllalyngkot 2017 hadien ba u Rangbah Shnong ula pyntip sha ki Pulit ia ka jingkynnoh ba ka phla hi dalade.
Ka iingkashai ba tian bishar kala shaniah ha ki sakhi ba batai ia ka jingjia kynthup ka jingkynnoh ba phla shabar ka IIngkashari bad ka jinglap ia ka metiap.
Ka Iingkashari, ka ong ba ki sakhi ki dang duna bha kat kum ki jingdonkam ba long kat kum ka ain.
