Shillong, Nailar 05 : Kumba saw ne san tylli ki dukan ba don harud surok, kila ingkhong khait ha ka jingpluh ding hynne ka miet sngi Balang ha Laban Last Stop.
Kane ka jingjia kala jia ha ka por 8:30 baje eiei, ha ka por ba ka thain ka dang thnem bha da ki nongthied nongpet bad ki nongiaid lynti.
Ia ka daw ba thikna ym pat lah satia ban tip hynrei la suba jur ba ka lah ban dei na ka jingthut ki waiar bording.
Kane ka ding kala bam duh ruh ia baroh ki jingdon jingem bad ki mar ki mata kiba don ha kine ki dukan.
Ki kali pynlip ding kila wan poi mar mar sha katei ka jaka bad kila lah ban tem ia ka ding hashuwa ba kan pur sah kiwei pat ki jingtei ba marjan.
