Nagaland | Pyrshah jur ki kynhun riewlum ki Naga ia ka rai ka Sorkar halor ka bhah thungkam

Kohima, Nailar 7: Ka five Tribes Committee on Review of Reservation Policy (CoRRP), ha ka sngi Palei kala kyntait ia ka rai jong ka kynhun myntri ban kynthup ia hynniew ngut ki dkhot ha ka Job Reservation Commission (JRC).

Kine ki san tylli ki jaitbynriew kila pynlong ia ka jingiakhih ha Nagaland mynta la katto katne bnai da kaba dawa ban bishar ha kaba iadei bad ka state’s job reservation policy ne ka bhah thung kam thung jam.

Ha ka jingialang jong ka kynhun myntri sorkar, ba la pyniaid da u Myntri Rangbah u Neiphiu Rio, ha ka sngi Balang kala ai ka jingmynjur ban thaw ia 7 ngut ki dkhot ha ka JRC, ia kaba yn khlieh da u briew uba don ka jinglong ba janai bad ka jingshemphang ha ka kam synshar na ki ophisar IAS ba la shongthait jong ka Nagaland cadre.

Ha kane ka Commission yn kynthup ia u wei u dkhot na ka Eastern Nagaland Peoples’ Organisation (ENPO), ka Central Nagaland Tribes Council (CNTC), bad na ka Tenyimi Union Nagaland (TUN) bad lai ngut ki dkhot – u administrative head jong ka Political and Administrative Reforms Department, u Home Commissioner, bad u administrative head jong ka Law and Justice Department.

Haba wohdong ia ka rai jong ka cabinet ne ka kynhun ki myntri sorkar ka Nagaland, ka CoRRP kala khot ia kane kum ka “jingpynkylla biang” ia ka resolution ba la shim ha ka 12 tarik u bnai Jylliew, kaba ym shym lalah ban pynurlong ia ki mat jingdawa jong ka committee ha kaba iadei bad ka Backwards Tribe (BT).

Shuh shuh ka CoRRP kala ong ba shen kan sa pynlong da ka joint meeting bad ka apex body jong kine ki san tylli ki haitbynriew kiba ia don bynta lang ban shim ia ka rai bad ka sienjam.

Kane ka kynhun jong ki Naga kala kam ba ka job reservation policy, kaba la don ha kine ki 48 snem (naduh u snem 1977) kam pyni shuh ia ka jinglong jingman jong ka imlang sahlang bad ka pule puthi jong ki jaidbynriew bapher bapher ha Nagaland.