Shillong, Nailar 7: Ka office jong u Sub-Divisional Officer, Sohra Civil Sub-Division ryngkat bad ka Sohra Sports Association, kan pynlong ia ka jingmareh “10K Independence Day Run 2025” kum shi bynta ban rakhe ia ka Independence Day 2025 ha ka 15th Nailar 2025.
Ka Jingiamareh kan sdang ha ka por 6baje mynstep na Maraikaphon Football Ground, Sohra bad kan kut ruh ha Maraikaphon.
Kiba lah ban iashimbynta ki long, Ki shynrang bad ki kynthei kiba hap ha ka rta kaba 18 haduh 35 snem, Bad ki shynrang bad ki kynthei kiba hap ka rta kaba 35 snem shaneng.
Kiba lah ban ia shim bynta kin long tang kito kiba la dap 18 snem shaneng bad kiba dei kiba shong bad sah hapoh jong ka Sohra Civil Sub-Division.
Kiba kwah ban ia shim bynta, baroh ki dei ban wanrah ia ka EPIC Card kum ka jingpynshisha. Ia kiba jop, un sam da ka Khusnam Pisa.
Ka Registration ia kiba ia shim bynta kan long ha ki tarik 11 haduh 13 tarik u Nailar 2025 ha ka Conference Hall jong u Sub-Divisional Officer, Sohra naduh ka por 11 baje mynstep haduh ka por 4 baje janmiet.
