Shillong, K’lyngkot 10 : Ka Kynhun Myntri ka Sorkar Jylla, haka sngi Thohdieng, kala ai jingmynjur ia ka jingtyrwa ban nang pynheh iaka jingpynlut ban ia ka jingpynmih pisa (fiscal deficit) da 3.5 per cent.
“Ngi lah mynjur ia ka jingpynkylla thymmai ia ka Meghalaya Fiscal Responsibility and Budget Management Act, 2006 ban ailad ba ka Fiscal Deficit jong ngi kan kiew sha ka 3.5 percent na ka bynta une u snem” ong u Myntri Rangbah ka jylla u Conrad K Sangma haba iakren bad ki nongpathai khubor hadien ba wai ka jingialang.
Ula ong, ba la leh ia katei man la ka snem katkum ki kyndon jong ka sorkar India bad ka jingai jingbit ban don ia ka Fiscal Deficit na ka 3 percent sha ka 3.5 percent.
Nalor kane, ka sorkar jylla kala mynjur ruh ia ka jingtyrwa ban pynkup bor ha ka Deputy Commissioner ban shimkhia ha kaban pynioh ia ka jaka kaba donkam na ka bynta ka New Shillong Water Supply Scheme (NSWSS).
“Ka tnad PHE ka donkam ia ka jaka kaba rit. Kumta ka DRDA, kaba dei ka DC kan dei kaba la ioh iaka jingpynkup bor ban shim ia ki sienjam na ka bynta ban thied ia ka jaka bad ia kane la ai jingmynjur da ka kynhun myntri” la ong u Myntri Rangbah.
