Shillong, Nailar 03 : Ki bor district ka East Khasi Hills kila maham ba kino kino ki briew lane kynhun kiba lap donkti ne don bynta ha ka jingshah kawang petrol bomb ka Ophis MSPCB hynne ka sngi Nyngkong, kin mad ia ka jingpynshitom ba tyngeh kat kum ka ain.
Kat kum ka kyrwoh bala pynmih da u Deputy Commissioner, arngut ki riewtap khmat kila kawang petrol bomb sha phyllaw ka MSPCB kaba don ha Lumpyngad ha ka por 12:10 baje janmiet.
Kat kum ka kaiphod ki Pulit la pynpaw ba kine ki bomb kila dei ia ka kynroh jong ka building bad ym shym la don mano mano ruh ba mynsaw.
Ki pulit ka district kila register ia ka case kam bymman bad la pynsdang ia ka jingtohkit kaba bniah.
La pyntip ruh ba ki borkhmih kila bishar ia ki sakhi forensic bad ia ki video CCTV ban lah ithuh bad kem ia ki briew kiba donkti.
Ka bor district kala kyntu ia ki paidbah ba kin long jai jai bad kiar na ka jingpynphriang ia ki khubor khlieng tyngab.
Kala kyntu ruh ba lada don kiba don jingtip ne video halor kane ka jingjia, kin phone sha ka Ophis u Superintendent of Police ka East Khais Hills.
