Shillong, Naiwieng 01 : U Superintendent of Police ka East Khasi Hills Bah S Nongtnger, ula maham ia ki briew kiba pynsaphriang ia ka khubor ha ki rynsan social media ba uwei u briew ba shah shoh ha ka rally jong ka FKJGP ula iap.
Une u Heh Pulit u pyntip ba kila iaid ki khubor hamsaia ha ki rynsan social media ba uwei u briew uba shah shoh ha ka rally ka FKJGP ula iap.
“Kane ka dei ka bym shisha. Ki lai ngut kiba mynsaw malu mala kila shu shah tah dawai ha hospital bad ki dang im” ula ong.
Namar kane, la maham ia ki briew kiba pynsaphriang ia kum kine ki khubor hamsaia haba kyntu ruh ia ki paidbah ba kim dei ban ngeit ia kum kine ki jingpyntip ba shu thok.
