Nongpoh, Naiwieng 01: Ka Ri Bhoi Dorbar hynne ka sngi ba-ar kala lum syndon da ka jingïalang ba kyrkieh ban pynpaw ïaka jingsngewkmen bad ai ka jingkhublei ba kyrpang ïa u Myntri Rangbah ka jylla Conrad K Sangma uba la pynbna ban plie noh iaka Patharkhmah Civil Sub-Division haka 24 tarik Naiwieng.
Haba kren sha ki lad pathai khubor, u Bah RB Shadap President ka Ri Bhoi Dorbar u la ong ba ka jingdawa kyntiew kyrdan ia ka Patharkhmah Administrative Unit ka dei kaba la slem bha bad mynta kane ka jingdawa kala urlong.
“Ka dei ka sngi lehkmen iaki paidbah ka Western Ri Bhoi khlem da klet pat ia kiwei ruh ki jingdawa naduh ki C&RD Block ha Mawhati, Umden, ka Civil Sub Divisiona ha Umsning bad Eastern Ri Bhoi” ula ong.
Naka liang ka Ri Bhoi Dorbar kala ai khublei ruh ia u Bah Sosthenes Sohtun MLA ka Jirang u ba la shimkhia ban buddien ia ka jingdawa ban kyntiew kyrdan iaka Patharkhmah Administrative Unit sha ka Civil Sub Division.
