Shillong, Naiwieng 13 : U President ka Congress Bah Vinvent H Pala ha ka sngi Thohdieng, ula ong ba ka jingkyrshan u MP barim ka Rajya Sabha Dr WR Kharlukhi kam dei tang ka jingkyrshan jong uwei u briew, hynrei ka wanrah lang ïa ka kynhun jong ki nongïalam sha ka party Congress shuwa ka elekshon shiteng samoi ka Shillong Lok Sabha.
Haba kylli halor ka rai u Dr Kharlukhi ban kyrshan ia u kum u kyrtong, u Bah Pala ula ong ba ka jingwan rung jong une u Presdident barim ka State NPP kan nang aibor ia ka seng Congress.
“Da ka jingkyrshan u Dr Kharlukhi ngin nang lah ban pynkhlain ia ka party” ong u Bah Pala haba kdew ia ka jingiaid lynti u Dr Kharlukhi ha ka kam sain pyrthei, na ka jinglong nongialam ki samla pule sha ka jingtrei shitrhem ha ka sain pyrthei ha kine ki 30 snem bala leit kynthup ki 18 snem bad ka NPP.
“Ula don ka jingshemphang la palat 30 snem mynta ha ka sain pyrthei bad 18 snem ha ka NPP bad u dei ruh u nongialam ki samla pule” ong u Bah Pala.
U Bah Pala ula ong “U dei u briew uba iatip bad uba la pyni ia ka jingdon akor ha ka balang, u long ruh u nongïalam ha ki kynhun bapher bapher bad kawei na ki bynta kiba kongsan ka long ba u don ïa ka dur kaba khuid ha ka saiñ pyrthei,”.
U Pala u la ong ba ka party kan ai ïa u Kharlukhi ïa ka kyrdan kaba biang katkum ka jingsngewdei bad ka jinglong jong u kum u nongïalam.Pala said the party would suitably accommodate a leader of his stature.
Hynrei, katkum ka jingong jong u Pala, ka jingmyntoi kaba kham khraw ïa ka party ka long ka jingwan ryngkat jong kiwei pat ki nongïalam kiba la bud ïa u Dr.Kharlukhi.
“Ym dei tang ma u marwei, hynrei haba u wan, bun ruh na ki nongïalam jong u ki la pynïasoh bad ngi,” la ong u Pala.
U la bynrap ba u la sakhi ïa kane ym tang ha Jowai, hynrei wat ha Ri War bad ha kylleng ki thaiñ Khasi bad Jaintia Hills, ha kaba bun ki nongïalam ki la pynïasoh sha ka Congress.
