Shillong, Iaiong 29 : Ka written exam ban thungkam ha ka Tnad Meghalaya Police kan sa sdang naduh u bnai ban wan.
Ia kane la pyntip da u Symbud Myntri Rangbah ba khmih ia ka Tnad Pohiing (Police) Bah Prestone Tynsong haba pyntip ba ula dep lum ia ka jingialang bad ka Director General of Police (DGP) bad kiwei ki Heh Ophisar ka Tnad Pohiing ban bishar halor ka jingiaid jong ki kam ki jam ba iadei bad ka jingthungkam.
Ula ong, naba ka eksam PET kala dep, mynta ka Tnad kan pynlong sa ia ka written exam ha baroh kawei ka Jylla naduh u bnai ban wan bad hadien kata, yn sa pynlong sa ia ka personal interview.
