Shillong, Nohprah 09 : Ki arngut ki MDC ka Congress ki lah ban mih noh na ka Executive Committee ka KHADC ba lamkhmat da ka NPP hashuwa ka elekshon MDC ban wan, namar ka jingiai bteng ka jingpynbor jong ki nongtrei ka party bad ruh na ka AICC.
Ka khubor ka pyntip ba ia kane ka rai yn sa shim shen haba buh ha ka jingmut jingpyrhat ba u Working President ka Congress bad DyChief Executive Member (DyCEM) Bah Pynshngain N Syiem, un mih iakhun biang ia ka elekshon na ka party.
“Kumta, ka jingiai bteng ka jingpynbor na ki nongtrei ka Party ka buh ia u Bah PN Syiem ha ka jingkut lad bad hap ban mih noh na ka EC ba ialam da ka NPP ha KHADC” ong ka khubor.
Lah ban kdew ba ka jingdawa kaba jur kala mih hapoh ka Congress ban weng noh ialade na ka EC jong ka Congress bad kane ka sur kala paw ha ka jingialang jong ka party kaba long ha ka 20 tarik u Nailur.
Dang shen, ki President ka District Congress Committee (DCC) kila thoh shithi sha ka AICC ba kan tiklar halor ka jingpynslem jong ki arngut ki MDC ba kin mih noh na ka EC jong ka NPP ha KHADC.
Kine ki MDC ki dei u Bah PN Syiem u ban iakhun biang ia ka elekshon na Mawkhar-Pynthorumkhrah bad u MLA/MDC ka Mylliem Bah Ronnie V Lyngdoh.
Halor kane ka shithi, u Secretary ka AICC Dr Chella Kumar bad Joint Secretary Anthony Mathew kila iakynduh ia ki nongialam bad ki nongtrei ka party ha ka jingialang ba long myn ha ka 2 tarik Nohprah, ban iakren ia kane ka kam.
“Ha kane ka jingialang, ki nongialam ka AICC bad ki nongkitkam ka party kila bthah ia ki arngut ki MDC ban shim ia ka rai bad ban mih noh na ka EC jong ka KHADC khlem ka jingpynslem shuh. Namar kata, kine ki arngut ki MDC kim don lynti shuh hynrei tang ban burom ia ka rai jong ki nongtrei ka party da ka weng noh ialade na ka EC ka KHADC” ong ka khubor.
 Bah Pynshngain N Syiem, un mih iakhun biang ia ka elekshon na ka party.){kind=link}