Shillong Nohprah 08: Ka Shillong Lajong FC kala pynrem ia ka Rajasthan United FC da 8-0 ha ka jingiakhun iaka I-League kaba la long hynne ka sngi u Blei, ha SSA Stadium, Shillong.
Ki nongialehkai Football ka Shillong Lajong kila ialehkai bha naduh bas dang hi ka jingialehkai haduh ban da kut ha kaba kila pyni iaka sap bad iaka jingtbit ka jongki ia ki paid nongkyrshan kiba lawan ban sakhi ia kane ka jingialehkai.
Ka Shillong Lajong, lyngba u nongialehkai uba na ka ri Brazil u Douglas Rosa Tardin ula thep ia ka kol ha ka minit kaba 17 bad 51, katba u Figo Syndai ula thep ha ka minit kaba 3, u Daniel Goncalves ula thep ha ka minit kaba 45+3.
U Damaitphang Lyngdoh ula thep kol ha ka 49 minit, u Marcos Rudwere Genar E Silva ula thep ha ka 61 minit, u Imanol Arana Sadaba ula thep ha ka 66 minit bad u Hardy Cliff Nongbri ha ka 87 minit.
Kane ka jinglah ki nongialehkai ka Lajong ban ialehkai bha kala pynlong ia ka kynhun jong ka Rajasthan United ban buh ha ka jingeh kaba khraw ban ioh ban thep kol ha kaba ha kiba bun ki khep ki nongialehkai kila hap ban ieng ban ialehkai ban ym ailad ia ki nongialehkai ka Lajong ba kin bteng ban ioh thep kol.
Kane ka jingjop kala pynlong ia ka Shillong Lajong FC ban kiew sha ka kyrdan kaba 6 jongka I-League bad ka Shillong Lajong ha ka 14 tarik u Nohprah kan iakhun pyrshah ia ka Gokulam Kerala ha ka por 4:30 mynsngi ha SSA Stadium.
