Shillong, Risaw 05 : Ka Meghalaya kala sakhi ia ki artylli ki project ba kongsan kiba la dep ban pyntrei ha Jylla ha ka jinglut ba T.14.03 klur, bad ka North Eastern Council (NEC) kala pynlait sa T.42.63 klur ha u Nailur 2026 ban pyntrei ia ki project bapher bapher ha ka thain Shatei Lam Mihngi.
Ka NEC ka pyntip ba na ka pisa baroh lang bala pynlait, T.35.21 klur kan leit sha ki Jylla ka thain Shatei Lam Mihngi bad T.7.42 klur sha ki Regional Institution bad ki Agency, ki jingtei bad ki technology.
Ki artylli ki project bala dep pyntrei ha Meghalaya ki dei ka Iingskul ha Mawthadraishan ha West Khasi Hills ha ka jinglut ba T.4.75 klur bad ka Cultural Complex ka Seng Khasi Ri Raid Laban ha Lum Shat Sngi Kenches Trace, Shillong ha ka jinglut ba T.9.28 klur.
Baroh lang, haduh 14 tylli ki project jingtei ba kot T.45.48 klur lah dep ban pyntrei bad pynkut ha une u bnai.
Napdeng kine ki dei ka Music & Youth Activity Centre ha Yasogei, Kohima, Nagaland ha ka jinglut ba T.9.17 klur, Auditorium and Basic Amenities ha Phek GHS ha ka jinglut ba T.1.92 klur, Girls Hostel (G+1) ha JN College, Pasighat, Arunachal ha ka jinglut ba T.4.27 klur, baka d Backward Community Scheme ia ka Jaidbynriew Limboo ha Sikkim ha ka jinglut ba T.4.53 klur.
Lai tylli ki prokram kam rep ha Karbi Anglong bad West Karbi Anglong ha Assam ba shongdor T.11.55 klur ruh la lah ban pyndep. Kine ki kynthup ha Lumbajong Development Block ha ka jinglut ba Rs 4.97 klur, ha Shnong Sarmen Hanse T.1.97 klur bad Chinthong Block T.4.61 crore.
