-->

Ther kylla ka HYC ia u Bah Prestone | Ki kruin ki shong ha Secretariat, ym ki nonghikai

Date:

Share post:

Shillong, Naiwieng 17 : Ka Hynniewtrep Youth Council (HYC) ha ka sngi Ba-ar kala leit wah banner ha ki jingker bad khyrdop ka Secretariat, ba pynrem ia u Symbud Myntri Rangbah Bah Prestone Tynsong namar ka jingkynnoh ba ki Nonghikai ki dei ki kruin.

Haba kren sha ki nongthoh khubor, u Education Secretary Enlang Sawian ula ong ba ki jingkren u Bah Prestone kala ibein ym tang ia ki nonghikai, hynrei ia ka imlang sahlang baroh kawei.

“Mynta, ngi wan ban wah ia ki banner ba pynrem ia ka jingkren u Symbud Myntri Rangbah pyrshah ia ki nonghikai, ha kaba ula kynnoh iaki ba ki dei ki kruin. Ula kren ia kane ka jingkren ba pyrshah ia ki nonghikai, kiba la pynlong ia ki kumba ki long mynta bad pynpoi ia ki ha ka kyrdan ba ki bat mynta” ong u samla Sawian.

Haba ther kylla, u samla Enlang ula pynphai ktien kylla sha ka Sorkar jylla da kaba ong “Ngi kwah ban ong ba ki kruin kim dei satia ki nonghikai, hynrei ki dei ki briew kiba shong ha Secretariat, kiba la pynbam kruin ia ka Jylla baroh kawei”.

Advertisement

U samla Enlang ula ong ba ka HYC Education Cell ka ieng ryngkat bad ki nonghikai deficit naduh kaba sdang namar ba ki jingdawa jong ki, ki dei kiba shong hok.

Ula buh jingkylli ruh ia ka jingkam ka Sorkar ba ka jingkhang ka plie ban iakren.

“Ka Sorkar ka ju ong beit ba ka jingkhang ka plie ban iakren, hynrei kam don jingmut lada ka miej ba phi tyrwa ka pyni bap him burom ia ka miej, bad phi kren pynjah burom pyrshah ia ki nonghikai” ula ong.

U samla Enlang ula kynnoh ia ka Sorkar MDA ba ka thom ia ki kynhun kiba iakhih pyrshah ia ka, kynthup ia kito kiba iakhih pyrshah ia ka Ropeway project, ka Shree Cement bad ki jingdawa ki nonghikai.

Ula maham ba ka HYC kan ieng ha lyndet ki nongiakhih lada ka Sorkar ka dang bteng ban pyndon kam palat pud ia ka bor.

Ia kine ki banner la weng noh da ki Pulit kham hadien.

Share post:

-->
spot_img

Popular

More like this
Related

HYC hits back at Tynsong, says ‘rotten ones sit in Secretariat, not teachers’

SHILLONG, NOV 17: The Hynñiewtrep Youths' Council (HYC) on...

Hiar ka helicopter ka Kongripara namar ka jingjur lyoh | Iarap ki trai shnong ia ki Pilot

Nongpoh Naiwieng 17: Kawei ka helicopter ka la hair...

Conrad Sangma launches MeghGo, Meghalaya’s first integrated mobility app

Shillong, Nov 17: Meghalaya Chief Minister Conrad K Sangma...

Govt will resolve press issues, but media must reclaim real journalism: Meghalaya CM

SHILLONG, NOV 16: Chief Minister Conrad K Sangma on...