Shillong, Risaw 29 : U MLA barim ka Rangsakona Zenith Sangma, uba la iehnohkam na ka All India Trinamool Congress (AITC) bad iasoh biang sha ka Congress, ha ka sngi Balang, ula kiar ban kren halor ka jinglah jong u hynmen bad Myntri Rangbah barim ka Jylla Dr Mukul Sangma ban wan iasoh biang shaka Congress.
Haba kylli halor ki jingthmu ba hadien u Mukul Sangma, u Zenith ula ong ba u hynmen jong u, u dei u nongialam bala ih bha bad uba bun ka jingshemphang bad jingtip, bad kan bha ban kylli na u hi halor ki jingthmu jong u.
“U dei u nongialam uba radbah bad bala don slem ha ka sain pyrthei, uba don shibun ki jingtip, ka jingstad bad kyrhai ka jingshemphang” ong u Zenith Sangma haba bynrap “Kumta, kaei kaba u pyrkhat bad kaei kaba don ha ka jabieng jong u, kine ki dei kiba ma u hi u tip bha”.
U Zenith ula kren shai ba u khlem ioh bor satia ban kren na ka bynta y hynmen bad ba u Dr Mukul un sa shim hi dalade ia ka rai ha ki sngi ban wan.
“Ynda la dei ka por, u lah ban shim ia kano kano ka rai bad kane ka shong ha u” ula ong bad bynrap “Ngam kwah ban iakren than halor kane bad nga kyrpad ia phi ban sa kylli ia kane ka jingkylli na u hi”.
 bad iasoh biang sha ka Congress, ha ka sngi Balang, ula kiar ban kren halor ka jinglah jong u hynmen bad Myntri Rangbah barim ka Jylla Dr Mukul Sangma ban wan iasoh biang shaka Congress.){kind=link}