Shillong, Risaw 29: U AICC in-charge ka Meghalaya Dr A Chellakumar, ula pynthikna ba kan nym don satia ka jingbujli ia u bah Vincent Pala kum u President ka Meghalaya Pradesh Congress Committee (MPCC), haba ong ba kane ka kyrdan kam lait satia.
Haba jubab ia ka jingkylli halor ka jinglong nongialam u Bah Vincent, u Dr Chellakumar ula iada ia u da kaba ong “Kumno phi lah ban ong kumta? Namar tang namar ba don kiba phet na ka congress party, kam mut ba dei ka jingbym ler u Nongialam”.
Ula bynrap ba kito kiba phet na ka party hateng ki dei kiba leit na ka bynta ka jingmyntoi shimet bad ka Congress kam don hangne ba “buh dor ia kino kino ki briew”.
U Dr Chellakumar ula iaroh ia u Bah Pala bad ong ba u dei u briew congress uba aiti lut bad uba la shakri kum u Myntri ha ka Sorkar Pdeng bad trei shitom ruh kum u President ka PCC.
“Mynta, ki briew kiba phet na ka congress kila wan phai biang, bad kito kiba shakri ia ka Jylla ha ki kam pher bapher ruh kila wan iasoh sha ka party, da kaba pdiang ia ka jinglong nongialam u Bah Vincent Pala” ula ong.
Une u Heh AICC ula ban jur ba ka Congress party ka buh hakhmat eh ia ka Ri bad ka kloi ban pdiang biang ia kito kiba la sngewthuh iala ka jong ka jingbakla bad kwah ban shakri ia u paidbah. “Ngim don hangne ban thied iano iano ruh kumba leh kiwei ki party” ula ong.
“Da kaba pdiang ia ki nongtrei treikam jong ka congress party, mano mano ruh ki lah ban iasoh sha ka party” ula ong.
, haba ong ba kane ka kyrdan kam lait satia.){kind=link}