Guwahati, Risaw 29: U President ka Assam Pradesh Congress Committee (APCC) Gaurav Gogoi ha ka sngi Balang, u la woh nia ia u Myntri Rangbah ka jylla Himanta Biswa Sarma halor ka jingkynnoh pyndonkam bakla ia ka Special Investigation Team (SIT) kaba thew beit beit ia ki riew ba lui lui, ki riew shemphang, ki artist bad ia u nongialam ka liang pyrshah ha ka jaka ban pynleit jingmut ha kaba sei madan ïa ka jingshisha kaba don sha lyndet jong ka jingjia kaba ïadei bad Zubeen Garg.
U Gogoi u la ong, “Hapoh ka jingïalam u Myntri Rangbah ka Jylla, u Himanta Biswa Sarma, ka sorkar kam dei ban pyndonkam bakla ïa ka SIT ban pynshitom beiñ ïa ki nongshong shnong kiba lui lui. Ka jingpunleit jingmut ka dei ban long tang ban wad ïa kaei kaba la jia shisha ïa u Zubeen Garg. Mynta ka la palat 30 sngi, hynrei ngim pat tip ïa ka jingshisha. Ka sorkar kadei ban pyntikna ban pynioh ia ka hok pynban ka pynkylla ia ka jingmut jingpyrkhat ki paidbah.”
Shuh shuh u Gogoi u la kynnoh ba kiba bun ki paidbah ki sngewsih ia ka jinglong u Myntri Rangbah namar ka jingkiew ka kam bamsap, bad ka spah be-aiñ ba la lum da ki bahaïing hasem bad ki paralok ba jan jong u. “Dei na kata ka daw ba katto katne ngut ki nongïalam bad ki nongtrei ki mih noh na ka BJP, kaba la kylla mynta kum ka limited company kaba shakri tang ïa ki katto katne ngut, bad bun ki la rung sha ka Congress — ka seng ba shisha jong ki paidbah hapoh ka jingïalam kaba khlaiñ,” bynrap biang u Gogoi.
Haba ia dei bad ka kynrum kynram kaba dang shen halor kawei ka jingrwai ba la rwai da uwei u dkhot ka Congress, u Gogoi u la ong ba ki liang pyrshah ki pyrshang ban pynlong sain pyrthei ia katei ka mat da kaba kam thok ba ka dei ka jingrwai national anthem jong ka Bangladesh.“Ki thmu ban iehnoh ia ka kolshor bad ka histori jong ka”, u la ong.
U Gogoi u la kyntu ia u Myntri Rangbah ka Jylla ban leh da ka jingkitkhlieh, da kaba ong, “Ka BJP ka dei ban kynmaw ba ka bor kam dei kaba neh shyrta. Ha kawei ka sngi kin hap ban im hapdeng kijuh ki briew kiba ki pyrshang mynta ban pyndem. U Myntri Rangbah ka Jylla u dei ban kham pyrkhat ia ki kam bad ki rai jong u.”
 Gaurav Gogoi ha ka sngi Balang, u la woh nia ia u Myntri Rangbah ka jylla Himanta Biswa Sarma halor ka jingkynnoh pyndonkam bakla ia ka Special Investigation Team (SIT) kaba thew beit beit ia ki riew ba lui lui, ki riew shemphang, ki artist bad ia u nongialam ka liang pyrshah ha ka jaka ban pynleit jingmut ha kaba sei madan ïa ka jingshisha kaba don sha lyndet jong ka jingjia kaba ïadei bad Zubeen Garg.){kind=link}