Shillong, Naitung 13 : Ka Meghalaya High Court kala kyntait ban pdiang ia ka jingkyrpad ban khein iap ia ka ejahar bala mudui pyrshah ia 4 ngut ki briew halor ka jingkynnoh ba ki shoh bad pynthut ia ka jingtreikam u Heh Pulit ha Shella.
Ka Chief Justice Revati Mohite Dere ha ka 8 tarik Naitung, 2026, kala kyntait ban pdiang ia ka criminal petition bala mudui da u Ajit Das ba khot sin u Avinash Das, Ara Kumar Hajong, iasuklang War ba khot sin u Duh bad u Pradip Paul.
Ki nongmudui kila kyrpad ban khein iap ia ka ejahar bala register hapoh ka Shella PS Case No. 09/2026 hapoh ka kyndon BNS kyndon 115(1)(2), 132, 121(1) bad 3(5), nalor ki jingtian bishar ba dang sah hapoh ka Iingkashari Judicial Magistrate, Sohra.
Kat kum ka ejahar bala mudui da u Sub Inspector Pradeep Thapa, ma u bad ka kynhun kila leit sha ka par mawshun u Avinash Das hadien ka jingioh jingtip ba don u briew uba shah shoh.
Ka ejahar ka kynnoh ba kumba 30-35 ngut ki briew kila don ha kane ka jaka bad u nongmudui No 1, ula pynthut bad ktah jur ia u Ophisar uba don ha ka kam, katba kiwei pat ki dang iashoh ia u lanot.
Ki nongmudui kila kdew ia ka kdew ba kila iapynbeit ia kane ka kam bad u nongmudui ia ka ejahar bad pynksan ruh bay m shym la don kano kano ka kam bymman ba kila leh.
Ka Iingkashari kala pynksan ba haba u shakri paidbah u dei u nongmudui ha kane ka case ba pynthit ia u ha ka kam, um lah da lei lei ruh ban ai jingmynjur ha kaban khein iap ia ka ejahar.
Ka Iingkashari kala shim jingthoh ruh na ki nongsakhi, kynthup ki Pulit kila iadonlang ha katei ka sngi, kiba la pyntip ba ki nongmudui kila khynniah ia u Ophisar ban khanglad ba un ai jingiada ia u lanot.
Kala ong ba ka Iingkashari ba tian bishar ka dei ban pyniaid shakhmat ia ka jingbishar hala ka mon laitluid.
