Shillong, Nohprah 23: Ki nongialam ka Bharatiya Janata Party (BJP) na Delhi bad Meghalaya kila shu thok bad pynbeij iaki paidbah ka jylla daka ba kular ban phah tohkit halor ki jingkynnoh bamsap ka sorkar jylla bad kumjuh ruh ban weng noh naka sorkar synroplang ka Meghalaya Democratic Alliance (MDA).
Ia kane la ong da u President ka Meghalaya Pradesh Congress Committee (MPCC) bah Vincent H Pala bad u la buh jingkylli ruh, shaei kita ki Directorate of Enforcement (ED) bad Central Bureau of Investigation (CBI) kiba ka BJP kala kular ban phah tohkit pyrshah iaka sorkar MDA.
“Lada phi ia kynmaw ki nongialam ka BJP na Delhi haka jingwan iuhkjat ha Meghalaya, kila kular ban phah daka CBI bad ED ban tohkit iaki jingkynnh kam bamsap ka sorkar MDA bad kumjuh ruh ban shah ban tih dewiong biang hapoh 180 sngi hynrei haduh mynta kine baroh kila shu kut tang haka ktien” la ong u bah Pala.
