Shillong, Jylliew 24 : Ka Jaintia Hills Autonomous District Council (JHADC), da kawei ka sur, kala mynjur ia ka resolution ha ka sngi Balang ba kyrpad ia ka President ka Ri India ban pynkylla ia ki ain tih marpoh khyndew ba kongsan ka Sorkar Pdeng na ka bynta ban ailad ia ka jingtih dewiong kaba la pynbeit ryntih ha ri-lum Jaintia, kumba ju leh ha ki por bala leit.
Ia kane ka resolution la wanrah da u Chief Executive Member (CEM) ka JHADC Bah Thombor Shiwat ha ka dorbar kyrpang ba long ha ka sngi Balang.
Ka resolution ka kyrpad ban pynkylla ia ka Mines and Minerals (Development and Regulation) Act, 1957, ka Mineral Consession Rules, 1960 bad ka Coal Mines (Special Provision) Act, 2015.
Haba kdew ia ki jingkyrshan da ka riti synshar bad ki iingkashari, u Bah Thombor ula ong ba ka Paragraph 12A(b) jong ka Sixth Schedule ka aipor ia ka President ban pynkylla ia ki Autonomous District ka Meghalaya naki ain ka Parliament lane ban pyntreikam iaki da ki jingpynkylla kiba donkam kat kum ka jingsngewbit da ka President”.
Ula kdew ruh ia ka hukum ka Iingkashari Supreme Court ba 3 tarik Naitung 2019 ha ka mukotduma ka Sorkar Meghalaya pyrshah ia ka All Dimaa Students Union, Dima-Hasao District Committee, kaba kren shai ba ki trai jaka trai shnong ki don ia ka hok halor ka jaka bad ki mar poh khyndew kiba don ha kine ki jaka.
Ka resolution ka tyrwa ia ka rukom ai licence ba lai kyrdan na ka bynta ka ri-lum Jaintia : Ka kyrdan ba nyngkong iaki riew shimet, ka jingtih par ka kur lane ka longiing longsen, ka kyrdan ba-ar na ka bynta ki jingtih par kiba pdeng da ki kynhun lane ki nongiatreilang, bad ka kyrdan ba lai na ka bynta ka jingtih par kiba heh da ki karkhana.
La buh kyndon b aka dei ban bud ryntih ïa ka Environment (Protection) Act, 1986, Water (Prevention and Control of Pollution) Act, 1974, Air (Prevention and Control of Pollution) Act, 1981, Forest (Conservation) Act, 1980, bad ki jingbthah jong ka National Green Tribunal bad ka Supreme Court.
Ki MDC ka Liang Pyrshah, kynthup u Nongialam ka Liang Pyrshah Bah Awhai Andew Shullai, Bah Madonbai Rymbai bad bah Rikut Parein, kila pynpaw ba kim pyrshah satia ia ka resolutionhynrei ki dawa ban wanrah ia ki jingpynkylla (amendment) ban iada iaka bor jongka Council bad ki nongtih par kiba rit.
Haba pdiang ia ka jingssngewkhia jong ki, u CEM ula mynjur ban wanrah ia ka jingpynkylla.
Hadien ba bsut ia ki jingpynkylla, ia kane ka resolution la mynjur da kawei ka sur ha ka Dorbar.
U Bah Thombor Shiwat ula kytait ruh ia ki jingkam ba ka jingwanrah ia ka resolution ka dei kaba la pynbor da ka jingshah tngan ki nongiakhih lane ka jingthmu sain pyrthei, haba ban jur ba ia kane ka kam la iakren la slem bha.
Haba jubab ia ki jingkynnoh ka Liang Pyrshah, u CEM ula ong ba ka Executive Committee kan ym shim satia ban iakren ia ka kam kaba ladei ban pynbeit kham mynshuwa lada ka dei tang na ki jingpynbor.
Ula pynshai ba ka sienkam ka EC kam dei satia kaba thmu ban ialam bakla ia u paidbah.
, da kawei ka sur, kala mynjur ia ka resolution ha ka sngi Balang ba kyrpad ia ka President ka Ri India ban pynkylla ia ki ain tih marpoh khyndew ba kongsan ka Sorkar Pdeng na ka bynta ban ailad ia ka jingtih dewiong kaba la pynbeit ryntih ha ri-lum Jaintia, kumba ju leh ha ki por bala leit.){kind=link}