Kohima, Jylliew 27 : Ki bor shipai hynne ka sngi Ba-ar, kila ioh ban bat ia kawei ka kali ha Kohima kaba thmu ban leit kit ia bun bah ki tiar siat, ki kuli bad ki bomb sha Manipur.
Hadien ka jingioh ia ki jingtip ba thikna ia ka jingthmu pynpoi tiar siat bad ki bomb sha Manipur lyngba ka Nagaland, ki shipai Assam Rifles bad ki Pulit Nagaland kila pynlong ia ka jingkhynra kaba jur hynnin ka miet sngi nyngkong bad kila ioh ban bat ia kawei ka kali kaba kit ia kine ki tiar ialeh.
Ha Manipur, ki shipai kila buh ia ki jaka talasi da ki spah tylli ha kylleng ki District ban pynkhlain ia ka jingpahara bad ban pynlong ia ka jingtalasi ia ki kali ba ishankhmat.
“Kane ka jingkhynra kaba jop kala pynpulom ia ka jingthmu jong ki kynhun kiengatiar ban hiar thma ia ki bor pahara bad ia ki bor Sorkar kiba don ha Manipur” ong ka kyrwoh na ki shipai.
Ki bor pahara ha Manipur kat haduh mynta, kila ioh ban kurup haduh 1100 tylli ki tiar siar, 13702 tylli ki kuli bad 250 tylli ki bomb.
Pule lang ia kane: Mynjur ka Sorkar ban pynkylla ia ka Meghalaya District Court Ministerial Service, 2020
