Shillong, Iaiong 11: Ka Jaintia National Council (JNC) Ladrymbai Circle ka pynpaw ia ka jingsngewkhia kaba jur halor ka jingjur ka jingdheng kali ha surok Rymbai, kaba wanrah jingeh ia ki nongleit nongwan, ki samla pule, bad ki jingleit donkam ba kyrkieh.
U president ka JNC u Bah Jopsing Latam ula ong baka jingpynieng kali khlem akor bad jingpynieng kali khlem pyrkhat ha rud surok ha ka por ba bun kali ka dei ka daw bah jong ka jingdheng kali hapoh ka thain.
“Ka jingbym don ki pulit pyniaid kali ka la pynjur ia ka jingeh, kaba la wanrah ia ka jingiakulmar bad ka jingpynslem ia ka jingleit jingwan” la ong Bah Jopsing.
Ka JNC ka pynpaw ba ka jinglong jingman ka la pynlong ïa ka jingdheng kali kaba man ka por, kaba ktah ïa ki jingshakri paidbah ba man la ka sngi.
Kala ujor sha u Officer-in-Charge ka Ladrymbai Police Outpost bam leh mardor ia kane ka kam bad ka la kyrpad ban buh ym duna ia ka 2 ngut ki pulit pyniaid kali ban pynbeit ia ka leit ka wan bad ban pynthikna ia ka jingiaid beit ki kali.
“Ka jinglong jingman mynta ka wanrah jingeh man ka sngi ïa ki paidbah, bad donkam ban shimkhia kyrkieh ban tehlakam iaka jingdheng kali bad ka jingshngaiñ ha ki surok” ong ka JNC.
Ka JNC ka kyrmen ba ki bor synshar kin shim khia mardor ban weng ia katei ka jingeh na ka bynta ka jingsuk bad jingshngain jong ki paidbah.
 Ladrymbai Circle ka pynpaw ia ka jingsngewkhia kaba jur halor ka jingjur ka jingdheng kali ha surok Rymbai, kaba wanrah jingeh ia ki nongleit nongwan, ki samla pule, bad ki jingleit donkam ba kyrkieh.){kind=link}