Dibrugarh, Iaiong 12: Ki bor pahara kila kem ia hynniew ngut ki suba Over Ground Workers (OGWs) kiba don ka jingiadei bad ka kynhun ULFA (Independent) na kylleng ki jaka jong ka Tinsukia District jong ka jylla Assam kaba don marjan bad ka jylla Arunachal Pradesh.
Kine ki briew kiba la shah kem la tip kyrteng kum u Berlin Neog na Bordumsa, Mithu Gohain bad Lilambar Moran na Pengeri, Bikash Deka na Kakopathar, Shiva Dev bad Paritosh Dev na Miao ha Arunachal Pradesh, bad Manab Dey na Makum.
Katkum ki tyllong khubor, la suba ba baroh hynniew ngut ki don jingiadei bad ka ULFA (I) bad la ngeit ba ki donkti ha ki kam dawa pisa bad kumjuh ruh ban pynsuk ban ai ia ki jingtip kiba kongsan.
“Ki briew kiba la shah kem la kynnoh ba ki ai ia ki jingtip sha ka ULFA (I).Ka jingkem ia kine la long hadien ka jingïatreilang ban khynra ha kylleng ki jaka ha ka distrik,” ong uwei u heh pulit.
Ki tnad pahara ki la sdang ïa ka jingtohkit kaba bniah ban lap ïa ka jingïadei kaba kham bniah bad ki jingïadei kiba lah ban don shabar pud (cross-border) jong kane ka kynhun.
Ha kajuh ka por, ki pulit ki la sdang ban tohkit ia kine ki nongshah kynnoh ban pynthikna haduh katno ka jingdonkti jong ki bad katei ka kynhun ba la shah khang pyrshah.
Shuh shuh ia mynta ki dang ap ia ki jingtip ba bniah katba nang iaid ka jingtohkit.
 kiba don ka jingiadei bad ka kynhun ULFA (Independent) na kylleng ki jaka jong ka Tinsukia District jong ka jylla Assam kaba don marjan bad ka jylla Arunachal Pradesh.){kind=link}