Shillong, Naitung 20 : Ka Mawkhar SC kaba don ha trai duh jong ka miej ia khein point ha ka lympung ialehkai jong ka Shillong Premier League ka la lah ban pyniakhaid da mar 1-1 kol bad ka Mawlai kaba don ha khliehduh jong ka miej ia khein point da ki 15 point.
Ha ka jingiakhun kaba long hynne ka janmiet ha madan Third Ground Polo, naduh ka kylla step haduh ka kylla miet, ym shym la don satia mano mano ruh ba ioh ban thep kol kaba pynlong ia ka jingiakhun ban kut noh ha ka jingiakhaid da mar 0-0 kol.
Da ka jingiakhaid ha katei ka sngi, ka Mawlai mynta ka don mynta da 16 point bad iai neh ha ka kyrdan ba nyngkong katba ka Mawkhar kaba la ioh lang shi point ka la don mynta ar point tangba ka dang iai neh ha ka kyrdan ba khatduh.
Ka jingiakhun la shai ka sngi pat kan long hapdeng ka Langsning FC kaba don mynta ha ka kyrdan ba lai pyrshah ia ka Ryntih kaba don ha ka kyrdan ba saw.
