Shillong, Jymmang 22 : Ka North Eastern Hill University (NEHU) ka khlem ai No Objection Certificate (NoC) ne ka jingbit ia u Associate Professor Batskhem Myrboh ba un mih iakhun kum u kyrtong ka Voice of the People Party (VPP), ia ka elekshon shiteng samoi ban sa wan jong ka Shillong Lok Sabha.
Kat kum ka khubor ba ioh lum, u Dr. Batskhem Myrboh ula pan ia ka jingbit na NEHU hadien ka jingshah jied ban long u kyrtong ka VPP ha kane ka elekshon shiteng samoi, hynrei ki bor pyniaid ka NEHU ki khlem pat ai satia ia ka jubab haduh mynta.
U Dr. Batskhem ula ryngkam ha NEHU hapoh ka tnad Political Science ha u snem 2020.
Namar kane, une u kyrtong ka VPP ula leit ujor da ka mukotduma hapoh ka Iingkashari Meghalaya High Court pyrshah ia ka NEHU haba pan ia ka jingpynthikna ia ka kam ba u trei bad ban ai jingbit ia u ba un iakhun ia kane ka elekshon.
Ka Iingkashari u Justice HS Thangkhiew ha ka sngi Palei (21 Jymmang) kala phah notice sha ka NEHU bad kiwei ki nongshah mudui ha ka mukotduma bala ujor da u Kyrtong ka VPP.
“U S Sen, nongiasiad ula don ha Iingkashari bad pdiang ia ka notice na ka bynta ki nongshah mudui baroh, ula pan por shitaiew ban ioh ia ki jingbthah” ong ka Iingkashari haba buh ban shong bishar biang ia ka mukotduma ha ka 4 tark Jylliew, 2026.
U Myrboh ula leit tied ia ka jingkhang ka High Court hadien ba ka NEHU la kynnoh ba kala pynslem ban jubab ia ka aplikeshon jong u ba pan jingbit ban iakhun ia ka elekshon shiteng samoi.
Ha ka mudui, u Myrbok ula ong ba hadien ka jingshah jied kum u kyrtong, ula aiti ia ka aplikeshon ha ka 5 tarik Lber 2026 sha u Pro- Vice Chancellor, NEHU ba pan jingbit ban iakhun ia ka elekshon. Ula ai biang sa kawei ka aplikeshon ha u Vice Chancellor ha ka 10 tarik Iaiong 2026 ba kyrpad ban ai NOC ba un lah ban tyrwa ialade kum u kyrtong. Hadien ka jingioh ioh jubab, ula phah biang ia ka shithi pynkynmaw ha ka 27 tarik Iaiong, 2026.
U Pro- Vice Chancellor ula jubab ha ka 4 tarik Lber, 2026 ba pyntip ia u ba hapoh ka NEHU Regulation Rule RE–5, ka Executive Council ka dei ka bor kaba lah ban ai jingbit ia ki nong hikai ka NEHU ba kin iakhun ia ka elekshon MP ne MLA.
 ka khlem ai No Objection Certificate (NoC) ne ka jingbit ia u Associate Professor Batskhem Myrboh ba un mih iakhun kum u kyrtong ka Voice of the People Party (VPP), ia ka elekshon shiteng samoi ban sa wan jong ka Shillong Lok Sabha.){kind=link}