Shillong, Jymmang 22 : Ka Khasi Hills Autonomous District Council (KHADC) ba synshar da ka Voice of the People Party (VPP), kala sospon ia u Syiem ba pura ka Hima Mylliem Pa’iem Ainam Manik Syiem.
Kat kum ka hukum ba pynmih ha ka sngi Thohdieng (22 tarik Jymmang), ka Executive Committeeka VPP kala pyntip ba kala thung mynta ia u Alban Fedrick Syiem kum u Acting Syiem ka Hima, ba un pyniaid shipor ia ki kam jong ka Hima.
Kat kum ka jingpynbna (Notification) bala pynmih da u Secretary ka Executive Committee, a ong ba ka KHADC kala sospon ia u Pa’iem Ainam Manik Syiem kum u Syiem ka Hima Mylliem, kat kum ka bor bala pynkop da ka kyndon 7 jong ka Khasi Hills Autonomous District (Appointment and Succession of Syiem, Deputy Syiem, Electors and Rangbah Shnong Syiemship) Act, 2007.
Ka pyntip ruh ba kane ka hukum kan treikam mardor tad haduh da pynmih da kumwei pat.
Ka khubor ba iajan bad u Syiem, ka iathuh ba u Syiem u lah ban leit ujor pyrshah ia kane ka hukum ka KHADC sha Iingkasahri bad ban pan ia ka jingbishar kaba hok.
 ba synshar da ka Voice of the People Party (VPP), kala sospon ia u Syiem ba pura ka Hima Mylliem Pa’iem Ainam Manik Syiem.){kind=link}