Nongpoh, Rymphang 20: Ki Pulit ka Jorabat Police Outpost, hynne ka janmiet sngi nyngkong, kila ioh ban kem ia 8 ngut ki runar kiba dei jong ka kynhun nongtuh thuk thuk, kiba donkti ha ki kam tuh thuk thuk ha kylleng ki jaka ka Jylla Assam bad Meghalaya.
Napdeng kine ki runar, 5 ngut ki dei ki runar na Ri-Bhoi District. Na kane ka kynhun, ki Pulit kila ioh ban kurup noh ia lai tylli ki thuk thuk.
Kat kum ka khubor Pulit la iathuh ba kine ki runar ki dei kiba la tip kyrteng u Harish Das bad Dipu Teran ba na Sonapur, u Dibyajyoti Shaw Ikia na Majuli, Assam bad ki 5 ngut kiba na Ri Bhoi District ki kynthup ïa u Shemphang Shadap, u Maldini Shangpliang, u Bandraplang Malai, u Jodamin Malai bad u Vicky Malai.
Na ka met jong kine ki nongtuh thukthuk la ïoh ban kurup ïa 2 tylli ki scotty bad kawei ka bike KTM, u wei u shabi ba pyndonkam ban tuh ïa kine ki thuk thuk.
Ki pulit ka Jorabat Police Outpost ki dang pynlong mynta ïa ka jingtohkit kaba jur ïa kine ki nongtuh thukthuk ban lapdien ia kiwei ki runar kiba donkti lang bad ruh ban lapdien ia ki kam tuh jong ki nalor ki thuk thuk ba kila dep tuh.
