Nongstoiñ, Risaw 29: Uwei u samla ba kyrteng u Lumlang Nongsiej, 29 snem ka ka rta, u ba dei u khun jong u bah Oklistar Kharlyngdoh bad ka kong Skelty Nongsiej, u la jah rngai naduh ka 26 tarik u Risaw na ka shnong Langja West Khasi Hills.
Katkum ka jingïathuh jong kiba haïing, la ong ba utei u samla u la leit shim dawai na PHC Nonglang ha katei ka sngi bad mar syn dep shim dawai, u la phet hi na katei ka jaka sumar bad mih sha surok ban leit sha ka shnong Langja ha ka por 5 janmiet.
La ong ruh ba na ka liang jong ki arliang kur kata ka kur Nongsiej bad kur Lyngdoh ki la ïa wad ïa utei u samla naduh katei ka miet ryngkat ka jingïarap lang ki briew jong ka shnong Nonglang bad Langja hynrei ym shym la lap dien satia.
Halor katei ka jingjah rngai u tei u samla na ka liang jong kiba ha ïing ha sem jong u ki la leit ruh ban ujor sha Langpih BOP bad ki la kyrpad ruh lada don ba ïohi ne don jingtip shaphang jong u tei u samla kin sngewbha ban phone ha kine ki number 8798730501, 9366617324, 8798553558, 8131828632.
