Itanagar, Jymmang 19 : Arngut ki dkhot ka National Commission for Minorities (NCM) bala ialam da u Vice-Chairman Kersi K Deboo, kila leit ban jurip ia ka krem Mechuka ha Arunachal Pradesh ban wad jingtip halor ka jingiakajia ha kane ka jaka leh niam, kaba la iakam trai da ki Buddhist bad ki Sikh.
Ha ka sngi Palei (18 Jymmang), ka Kynhun kala shong jingialang ba arkynta bad ki Nongmihkhmat ka Jaidbynriew Memba kiba dei ki riewngeit Buddhish ha Mechka. Hadien kane, ka kynhun kala leit sa sha Neh Pema Shelpu Drupkhang, ka krem kaba lehniam da ki riewngeit Buddhist.
Hynrei lyngngoh ba ym shym la don satia na ki nongmihkhmat ka Jaidbynriew Sikh ki ban wan iashimbynta ha kane ka jingialang.
Ka Shiromani Gurdwara Parbandhak Committee (SGPC) dang shen kala kynnoh ba iaka Neh Pema Shelpu Drupkhang gurdwara la pynkylla sha ka shrine jong ki Buddhist.
Ha kawei ka liang, u President ka Neh-Nang Cultural Development Society (NNCDS) Norbu Tsering Naksang ula pyntip ba ki Sikh kila pyntip sha ki dkhot ka NCM bad batai lut ia baroh ki kam ba iadei bad kane ka jingiakajia.
Halor ka jingkam ka SGPC, ka NCM kala pan ia ka kaiphod na ka Sorkar Arunachal Pradesh ha ka 24 tarik Iaiong.
La kam ba kane ka gurdwara, kaba u Guru Nanak ula duwai, kala mih hadien ba uwei u Heh shipai Sikh ula shah thungkam ha kane ka jaka ha u snem 1980.
