Itanagar, Risaw 21:Kawei ka liengsuin helicopter shipai kala hap khyndew noh hynne ka step hajan Singning kaba hap hap Upper Siang district ka Arunachal Pradesh.
Kane ka liengsuin helicopter ki shipai Indian army kala hap khyndew noh ha ka por 10:45 hynne ka sngi Thohdieng.Kane ka jinghap liengsuin kala jia ha ka jingjngai kaba tang 25 kilomitar na ka headquarter jong ki shipai hapoh Arunachal Pradesh.
Na ka liang ki kynhun aijingiarap mardor kila sdang ban pynlong ia ka jingwad ia kane ka liengsuin.Ia mynta hi ki kynhun aijingiarap ki kynthup ia ki dkhot na ka tnat pulit na Upper Siang district ka Arunachal nalor ki trai shnong.
Dang ha ka 5 tarik mynta u bnai kawei ka liengsuin Cheetah helicopter jong ki shipai Indian Army kala hap khyndew noh hapoh Tawang district ka Arunachal Pradesh.Kane ka jinghap liengsuin kala jia hajan ka kshaid BTK ha Tawang district.
Ha kane ka jingjia uwei na ki pilot u Lt Col Saurabh Yadav uba la ngat ha ka jingmynsaw kaba jur ula khlad khlad tang tang hadien katto katne por.
