Guwahati, Risaw 21: Baroh kila don haduh 120 ngut ki heh sorkar ka Assam kiba la shah kem noh ha ki pulit halor ka jingkynnoh donkti ha ki kam bam sap naduh ka snem 2017.
Katkum ki pulit ka Assam, kila don haduh 120 ngut ki nong shakri paidbah kiba la shah kem noh ha ka tnat Directorate of Vigilance and Anti-Corruption naduh kine ki hynriew snem ba la dep halor ki jingshah kynnoh kam bam sap.
Na ka liang u special DGP ka Assam u GP Singh ula ong ba hapdeng ka snem 2017 kat haduh une u bnai Risaw mynta u snem, la rejistar haduh 107 tylli ki case halor ki kam bam sap.
Ka tnat Directorate of Vigilance and Anti-Corruption kala ioh ban kem markhmat ia ki 50 ngut ki briew kaba kynthup ia 48 ngut ki shakri sorkar katba ki dang shim ia ka pisa bam sap.
“Khatwei ngut ki nongtrei sorkar kila shah kem noh ha ka snem 2017, 22 ngut kaba kynthup ia ki 19 ngut ki shakri paidbah kila shah kem noh ha u 2018, 16 ngut kaba kynthup ia ki shakri paidbah kila shah kem noh ha u 2019, 18 ngut kaba kynthup ia 16 ngut ki shakri paidbah kila shah kem noh ha u 2020, 13 ki shakri paidbah kila shah kem noh ha u 2021,” ong utei u DGP ka Assam.
Kumta ruh na ka liang ka Directorate of Vigilance and Anti-Corruption ha Assam have haduh mynta kala ioh ban kem ia bun ngut ki heh sorkar halor ka jingdonkti ha ki kam bam sap.
