Shillong, Risaw 22 : Ki riew runar ha ka step sngi Palei, kila kawang petrol bomb sa ia ka Ophis jong ka Enforcement Directorate (ED) kaba don ha Shyiap, Shillong.
Une u petrol bomb ula hap ha ki mawkyndon ban kiew sha ka Ophis jong kane ka Directorate bad ym shym la don satia kano kano ka jingjulor lait noh tang ki dak ing ding.
Kane ka dei ka jingjia kawang petrol bomb kaba saw kaba jia tang ha kine ki arsngi bala leit noh nalor ka jingjia ha Kench’s Trace, Keating Road bad Laitumkhrah.
Ki Pulit kila register case ia kane ka jingjia bad ka jingtohkit mynta kala iaid shakhmat ban lapdien ia ki briew kiba donkti.
