Shillong, Jylliew 01 : Ka Meghalaya High Court ha ka sngi Nyngkong, kala pynjlan biang ia ka jingbishar halor ka mukotduma kam bymman bala mudui da ka Jylla pyrshah ia ka Sonam Raghuvanshi, ka nongshah kynnoh ba hakhmat eh ha ka jingpyniap iala u kurim uba dei u nongkhaii na Indoor (L) Raja Raghuvanshi ha Sohra.
Ia kane ka mukotduma la buh ban shong bishar ha ka 3 tarik Jylliew hadien ba ym lah ban pyndep ia ki jingiapynksan nia (arguments).
Ia ka hukum la pynmih da ka Iingkashari u Justice W Diengdoh.
“La sngap ia u A Kumar, u AG na ka bynta ka Jylla. Ka jingsngap ia ka jingpynksan nia kam pat dep satia. Buh ia kane ka kam ban nang sngap shuh shuh ha ka 03.06.2026” ong ka hukum.
Ha u bnai bala lah, ka Iingkashari Magistrate kala ai bah jamin ia ka Sonam, hadien ka rai ba ki Pulit kim shym la lah ban pyntip ha ka rukom kaba dei ia ka Sonam halor ki nongrim ka jingkem ia ka.
Ha ka hukum bala pynmih ha ka 27 tarik Iaiong, haba pynwai ruh ia ka aplikeshon pan jamin, ka Iingkashari ka Additional Judge (Judicial) DR Kharbteng kala ong ba ki jingduna ha ka rukom pyniaid ia ki kam kaba long pyrshah ia ka riti synshar kat kum ka Article 22(1) bad ka lah ban ktah ia ka nongrim ban iada ialade da ka nongshah kynnoh.
Ka Iingkashari kala kdew ia ki jingdkoh kiba bun kiba lah ban iohi na ki kot ki sla kiba iadei bad ka jingkem ia ka.
Katba ia ka ejahar ha Sohra PS Case NO 7/2025 lah register hapoh ka kyndon 103 (1)/238(a)/309(6)/3(6) jong ka BNS, ka “jingpyntip ia ki nongrim ka jingkem” bala pynngat ia ka Sonam la kdew da ka kyndon 403 (1) ha ka jaka jong ka 103(1).
“Haba pule bniah ia ka Annexure 8….ha katei ka format bala ai sha ha u nongujor, ym shym la buh kawei ruh ka dak ha ka check box ban pynpaw ia ki jingpynngat kyndon (charges) pyrshah ia ka nongujor” ong ka hukum.
“Wat ki kyndon jong ka Ain bala kdew ha ka Sohra PS Case No 7/2025 u/s 403(1)/238(a)/309(6)/3(6) BNS.”
Ka Judge kala kyntait ia ka jingpynksan nia jong u nongiasaid ba ka dei ka jingthoh bakla haba pynkhreh ia ki kot ki sla, haba pynpaw ba kum kine ki jingbakla kila paw ha kiba bun tylli ki kot ki sla,
 Raja Raghuvanshi ha Sohra.){kind=link}