Shillong Jylliew 01: Ka Special Judge (POCSO), East Jaintia Hills District kala rai pynrem ia u Rephius Thamar bad hukum ban set phatok haduh 15 snem halor ka kam leh be-ijot kaba la rejistar case hapoh ki kyndon ka POCSO Act.
Ia kane ka case registar ha Khliehriat Women Police Station hapoh ka Section 3(a)/4 jong ka POCSO Act, 2012 bad la pynlong ia ka jingtohkit da ka WPSI S Kharsati.
U nongshah kynnoh u Rephius Thamar, ula shah kem ha ka jingtohkit bad la chargesheet pyrshah ia u ha ka 18 tarik u Nailar 2020 da ka Investigating Officer.
Hadien ka jingpyndep ia ka jingtian bishar, ka iingkashari jong ka Special Judge (POCSO), East Jaintia Hills District Kong B Khriam, kala shem ba u Rephius Thamar ula leh ia ka kam sniew kaba hap hapoh ka kyndon 3(a)/4 jongka POCSO Act, 2012.
La pynmih ia ka hukum ha ka 6 tarik u Jymmang 2026, ha kaba ka iingkashari kala hukum ban pynshitom da kaba set phatok ia u Rephius haduh 15 snem bad ban siew ruh ia ka T.50,000 kum ka jingshah dain kuna.
, East Jaintia Hills District kala rai pynrem ia u Rephius Thamar bad hukum ban set phatok haduh 15 snem halor ka kam leh be-ijot kaba la rejistar case hapoh ki kyndon ka POCSO Act.){kind=link}