Shillong, Naitung 15 : Ka Trinamool Youth Congress ka la buh thong ba kan rejistar palat 1000 ngut ki samla na man la ki block ne constituency kum shi bynta jong ka jingpynkhreh ia ka elekshon MLA kaban long ha u 2023.
Nalorkata, ki la kam ruh ba hapoh ka jingialam jong u Bah Charles Pyngrope bad Dr. Mukul ki khmih lynti ba ka party kan lah ban leh ha ka elekshon ban wan.
Haba kren bad ki lad pathai khubor hadien ka jingialang jong ka Executive Committee, u President, Bah Fernandes Dkhar u la ong, “Man ki block ngi la don lypa ki dkhot bad mynta ngi donkam sa tang ban plie shuh shuh ka lad ia kito kiba dang kwah ban iasoh bad ngi ban iakhun ia ki ishu kiba ka party ka buh hakhmat.”
Shwa kane, u tei u nongialam ki samla Trinamool Congress u la ong ruh ba lada ki nujor, ki lap ba ka sorkar ba ialam da u Dr. Mukul Sangma ha ki snem ba la dep ka kham plie lad plie lynti na ka bynta ki samla ha ka iohkam iohjam.
U la kam ruh ba dei ha ka por jong u ba ki nonghikai ki la ioh ia ka jingkyntiew tulop.
Kawei pat ka bynta kaba utei u nongialam ka Trinamool Youth Congress u ong ba ki lyngoh ban iohi ba hapdeng ki party ba don ka sorkar jylla mynta ki la sdang ban kynthoh para ma ki.
“Ki don lang ha ka sorkar hynrei ki kynthoh kylla pat ia ka sorkar, ngi i thamula haduh katta katta ia ki,” u la ong.
